El mga autoridad ya aresta na un operacion de aplicacion del ley na ciudad de Zamboanga con el uno del mga personas mas buscada na entero region, asegun con el policia del Miercoles.
El policia ya identifica con el arestao persona mas buscada como si Dennis Baguio, legal el edad.
El policia ya habla, con Baguio ya aresta na un operacion de aplicacion de ley por medio na implementacion de orden de aresto mga ala 1:15 del Martes tarde na Barangay Sta. Catalina, ciudad de Zamboanga.
Asegun con el policia, si Baguio tiene pendiente orden de aresto por violacion del Seccion 32 del Ley de Republica Numero 10591 o mas conocido como el Comprehensive Firearms and Ammunition Regulation Act que ya dale el un corte na ciudad de Zamboanga.
Asegun con el policia, si Baguio listao como el numero nueve persona mas buscada na entero Zamboanga Peninsula.
El policia ya habla, con Baguio ta pone bajo’l custodia del Criminal Investigation and Detection Group Zamboanga City Field Unit Office para el propio disposicion. (B. Garcia) (Photo Courtesy of PRO-9)