Total de 652 personas privadas de libertad, o PDL, na carcel del ciudad de Zamboanga el ya beneficia na libre servicio de salud del Martes que ya proporciona el Cruz Roja capitulo Zamboanga en colaboracion con el gobierno del ciudad y otro agencias.
Apodado como caravana de salud, el actividad ya conduci con el suporta del Comite Internacional de la Cruz Roja bajo el liderato del antes Senador Richard Gordon, propriciono un ancho formacion de servicios que ta inclui consultacion de salud con libre medicina, lecturas de salud con tipificacion de sangre, cortada pelo y chekiada de ojos.
Asegun con el Cruz Roja capilo Zamboanga, ya dale tamen libre comidas calientes con el mga beneficiarios.
El Cruz Roja ya mobiliza tres doctor, un nars, y tres Cruz Rojas voluntarios de 143 para facilita el conducta del caravana de salud.
El caravana, es un regular actividad para suporta y complementa con el programas de salud del gobierno del ciudad de Zamboanga.
El agencias asociadas del caravana ta inclui el Oficina de Salud del Ciudad, Tzu Chi Zamboanga, TESDA, Morishita Seggs Pharmaceutical, MX3, Pathfinder Pharmaceutical Zamboanga, Alavar Seafoods House, MBLT-11, y BJMP. (B. Garcia)Â