Irido el un guardya cuando accidentalmente ya rebenta su armas de fuego ayer na un establisimiento de empeño na Barangay San Jose Gusu, este ciudad.
El Police Station 8 ya nombra con el irido guardya como si Joey Bazan, un residente de Barangay Tugbungan.
Asegun con el pulisiya cay accidentalmente ya rebenta el pusil cuando ta checkya si Bazan con su shotgun.
Ya tupa el bala na pies de Bazan y ya lleba conele na hospital para cura.
Puera con Bazan, nohay otro persona ya tupa el bala durante el accidente.
El pusil de Bazan y maga bala ya lleba na quartel del Police Station 8 na Barrio de Sinunuc. (April Boy Regino)