Con un residente de Arena Blanco, este ciudad, ya aresta maga pulis na un campanya contra droga ilegal.
Si Major Ramon Bautista, hefe del Police Station 4, ya nombra con el arestao suspechao como si Amil Sabturani, treynta’y dos anios.
Si Bautista ya habla cay con Sabturani ya aresta na un buy-bust operation maga alas cuatro treynta’y seis ayer aga alla na Fernando Luciano Drive na Barangay Mampang.
Asegun con Bautista ya puede recubri na posesion de Sabturani suspechao shabu que tiene el valor de dies mil dosientos pesos, tresientos pesos markao sen, un caha de cigarillo sin laman, y in motorsiclo con temporaryo placa.
Detenido ahora si Sabturani na quartel el Police Station 4 na Barangay Culianan. (April Boy Regino)