Ya confisca mga autoridad valor de P945,000 smuggled cigarillo aqui na ciudad de Zamboanga, el pulisiya local ya anuncia del miercoles.
Asegun con Police Colonel Alexander Lorenzo, el Zamboanga City Police Office director, con el mga cigarillo ya confisca mga alas 3:00 del Miercoles aga na Phase 1, Sitio Asinan, Barangay Kasanyangan, en este ciudad.
Asegun con Lorenzo, con el mga cigarillo ya puede confisca despues que tiene un informate el ya informa con el Regional Special Operations Group-9 (RSOU-9) cay tiene ta descarga mga contrabando na Sitio Asinan, Barangay Kasanyangan.
Sin embargo, asegun con Lorenzo ya istindi el mga desconosidos personas quien ta descarga con el mga cigarillo cuando ya gole sila el llegada del mga personajes del ROSU-9, Zamboanga City Police Station 6 (ZCPS6) y del RAZC.
Si Lorenzo ya habla cay ya puede recubri 27 cajon de diferentes clase de cigarillo que tiene el valor de P945,000.
Con el mga confiscao cigarillo ya pone bajo el custodiya del ZCPS6 y ay entrega despues na Buro de Aduana para el propio disposicion. (B. Garcia, photo courtesy of ZCPO)