El Zamboanga City Police Office (ZCPO) ta implimenta esta tiempo de estricto medidas de seguridad para asegura el pacifico conducida del Private Schools Athletic Association (PRISAA) 2023 aqui na ciudad.
Asegun con Police Lt. Col. Paul Andrew Cortes, el portavoz del ZCPO, cay el implementacion del estricto medidas de seguridad ta ase en coordinacion con el Task Force Zamboanga y Regional Mobile Force Battalion-9.
Asegun con Cortes ya designa sila mga pulis na lugar donde ta esta mga delegado del PRISAA puera con el na mga lugar de juego.
Asegun con Elbert Atilano, el national executive director del PRISAA, no menos de 6,000 mga atleta y mga oficiales de deportes el taki ahora na ciudad para participa na diferente competicion de deportes.
Si Cortes ya habla cay ya ordena contodo mga hefe del diferente precinto para saca el suporta del mga barangay tanods para ayuda canila guardia con mga atleta na de ila cada’y cual jurisdiccion.
Myentrastanto, el govierno local ya designa tamen con el moderno mobile command center para na Joaquin Enriquez Memorial Sports Complex.
El command center tiene mga moderno equipaje de seguridad y puede ayuda mucho na mantencion del seguridad na sports complex. (B. Garcia, photo courtesy of City Government PIO)