Ya puede recubri valor de P312,000 contrabando mga otoridad na municipio de Indanan na Provincia de Sulu.
Asegun con el Police Regional Office-Bangsamoro Autonomous Region (PRO-BAR) cay el contrabando, compuesto de 25 cajon de cigarillo, ya recubri del Martes na Sitio Pamawlan, Barangay Kajatian, Indanan.
Asegun con el pulisiya cay con el mga contrabando ya puede recubri despues que un concierne residente ya reporta el presencia del mga cajon de smuggled cigarillo na Sitio Palawlan, Barangay Kajatian.
El contrabando compuesto de diferente clase de cigarillo con el valor de P312,000 esperansao transporta para na sercanos provincia pero ya abandona con el mga efectos cuando ya llegal el mga pulis.
Con el mga contrabando ya pone bajo na custodiya del Indanan Municipal Police Station y esperansao entrega para na Buro de Aduana.
Myentrastanto, si Police Brigadier General Allan Nobleza, el director del PRO-BAR, ya adverti con mga negiciantes cay si puede canila cuji, ay planta canila formal asunto por violacion del existente leyes.
(B. Garcia)
(Photo Courtesy of PRO-BAR)
