Zamboanga: Pulis ya aresta un ‘wanted’ persona

0
37

Un “wanted” persona el ya aresta mga autoridad na un “law enforcement operation” na costa weste del ciudad, el policia local ya reporta del Martes.

Si Police Major Ramon Aquiatan, el hefe del Zamboanga City Police Station 10 (ZCPS10) ya nombra con el arestao wanted persona como si Queenie Tesoro Amil 35 años de edad.

Si Aquitan ya habla cay con Amil ya aresta maga alas 11:42 del Lunes aga na Barangay Labuan na costa weste de este ciudad.

Asegun con Aquitan con Amil ya aresta por medio del un orden de aresto por violacion del “Republic Act 10883”, el nuevo ley contra “carnapping”.

Si Aquiatan ya habla cay el orden de aresto ya dale el un tribunal del ciudad de Bacoor, Cavite del Noviembre 22, 2022 con recomendao piansa de P300,000.

Con el acusao ya aresta ya de mas temprano el policia por el asunto de “estafa” y violacion del ley de “bouncing check”.

(B. Garcia, photo courtesy of ZCPS10)

Leave a Reply