El pulisiya local ya aresta con dos personas por violacion del reglamento de media-ambiente y recursos naturales.
El pulisiya local ya nombra canila como canda Alvin Sali, deci-ocho anios y si Elson Awali, veinte cuatro anios el edad ambos mga residente del Melas Drive, Barangay San Roque.
Asegun con el pulisiya local cay ya cuji canila ta saca arena na rio na Sitio Salum, Barangay San Roque, sin permiso estaba na departamento de media-ambiente y recursos naturales o el DENR.
Ya confisca na posesyon de canda Sali y Awali sinco sako de arena y un motorsiclo. (April Boy Regino)