Un chufer de tricycle el ya aresta maga auoridad na campanya contra droga illegal na municipio del Ipil, el cabisera del provincia de Zamboanga Sibugay.
Si Police Major Xyronne Caronan, el hefe del pulisiya na Ipil, ya nombra con el arestao chufer como si Merham Hasim, veinte ocho años el edad y listao como un “Street Level Individual” ventero de droga ilegal.
Asegun con Caronan cay con Hasim ya aresta na buy-bust operation maga ala una del Miyercoles aga na Purok Pines 2, Barangay Sanito, Ipil.
Ya recubri na posesion de Hasim seis diutay pakete de suspechao shabu que tiene el valor de tres mil quiñentos pesos, un motorsiclo, un caha de cigarillo y quiñentos pesos markao sen.
Asegun con Caronan cay ya detene con Hasim pendiente el plantada de formal asunto contra con el arestao suspechao. (B. Garcia)