El Alcalde John Dalipe ya encabesa el inaguracion del cuatro milyon de pesos nuevo construhido multi-purpose edeficio na Barangay Divisoria enantes aga, Noviembre nueve.
El edificio que tiene el anchor de siento ochenta’y ocho punto deci-seis metro cuadrado ya construji el High-Rise Construction and Trading bajo el supervision del Engiñero Cryzaldy Ponce.
Si Dalipe ya rindi su gratitude con Ponce y con el High Rise Construction and Trading, especialmente con Chris Navarro, el engiñero del ciudad, cay ya completa el proyecto na husto tiempo.
Ya comenda tamen el alcalde con el escuela de Divisoria cay tiene ya sila ahora nuevo multi-purpose edeficio. (B. Garcia, photo courtesy of John Dalipe Facebook page)