El pulisiya ya aresta con un moher listao como el numero siete “most wanted” persona na uno del mga municipio na provincia del Lanao del Sur.
El Police Regional Office-Bangsamoro Autonomous Region (PRO-BAR) ya nombra con el arestao wanted persona como si Pamela Ampuan Mangodato Datu-Imam, el numero siete most wanted persona na Marantao, Lanao del Sur.
Asegun con el pulisiya con Datu-Imam ya aresta na Barangay Banga-Pantar, Marantao, Lanao del Sur del Huwebes.
El Pulisiya ya habla cay si Datu-Imam tiene pendiente orden de aresto por el crimen de Estafa con recomendao piansa de P30,000 que ya dale el un tribunal na Cagayan de Oro, Misamis Oriental, del Abril 20, 2023.
Myentrastanto, Si Police Brigadier General Allan Nobleza, el PRO-BAR director, ya comenda con el mga operativas quien ya aresta con Datu-Imam por el de ila buen acomplisimiento.
Si Nobleza ya asegura con el publico cay el PRO-BAR hinde ay descansa de buscar con el mga criminal que ta esconde para manda canila enfrenta el consequensya del de ila crimen y ase con el rehyon otonomo un librao lugar para esta. (B. Garcia, photo courtesy of PRO-BAR)