Davao City – Patay ang giilang pusher human nga gikasa sa mga sakop sa Toril Police Station ang buy bust operation sa Purok 7-B, Brgy. Bangkas, Toril, Davao City.
Giila ang suspek nga si Alnaze Baguinda Camsi, 36 anyos ug residente sa giingong lugar.
Sumala sa report, atol sa pagkasa sa operasyon namatikdan sa suspek nga pulis ang iyahang kaatubanga busa dali kining mibunlot saiyahang pusil apan naunhan kini sa pulis isip depensa.
Dugang niini, dali pa nga gidala sa balay tambalang ang suspek apan nakabsan kini sa iyahang kinabuhi.
Samtang, nakuha sa posisyon sa suspek ang gituohang shabu nga mokantidad ug kapin P60,320 pesos. (Camille Santos Naraga)
(Source: Toril Police Station)