Un tripulante de trak el ya aresta myentras P327,760 cantidad de suspechao shabu el ya confisca mga otoridad na un campanya contra droga ilegal aqui na ciudad de Zamboanga.
El Zamboanga City Police Station 5 (ZCPS5) ya nombra con el arestao suspechao como si Victor Absari, 52 años el edad.
Asegun con el ZCPS5 cay con Absari ya aresta na un “buy-bust operation” mga ala 1:24 del Huwebes aga na Paseo de Marlboro, Barangay Campo Islam, en este ciudad.
Asegun con el ZCPS5 ya puede recubri na posesion de Absari 48.2 gramos de suspechao shabu que tiene el valor de P327,750, un markao P500, un bolsa-bolsa de cuero, un celpon, un teheras y pakete de plastic sin laman.
Asegun con el pulisiya cay ya tarda ya sila ta ase bisiada con el mal actividad del suspechao relatao na bendida de droga ilegal.
Detenido ahora si Absari na ZCPS5 en preaparacion para el plantada del formal asunto encontra conele por violacion del Comprehensive Dangerous Drugs Act of 2002.
(B. Garcia)
(Photo courtesy of ZCPS5)