El govierno nacional por medio del “Office of the Presidential Adviser on Peace, Reconciliation and Unity (OPAPRU)” ay implementa mga proyectos de “PAyapa at MAsaganang PamayaNAn (PAMANA)” na provincia del Basilan.
El mga plañao proyectos de PAMANA como intervenciones comunidad ta inclui centro de evacuacion, cementada de camino, puesto commercial, sistema de agua potable, y pantalan para del mga Pescador con completo facilidades.
El 101st Infantry Brigade ya habla del Domingo cay con el mga proyectos ay construi na diferente municiplio y ciudad na provincia del Basilan.
Del Jueves, si Francis Maynard Delfin, el deputy director del PAMANA ya visit ana quartel del 101st Infantry Brigade para personalmente informa con Brigadier General Alvin Luzon, el comandante del brigade sobre el mga proyectos de PAMANA como parte del programa de transpormacion del Moro National Liberation Front (MNLF) y otros pa programa de desarollo del govierno.
Presentemente, el OPAPRU hunto con el 101st Infantry Brigade y mga concierne govierno local ta ase el validacion del mga lugar donde ay construi con mga proyectos despues de someter con el mga necesario documnetos. (B. Garcia, photo courtesy of 101st Infantry Brigade)