El Departamento de Obra Publicas y Carresteras o DPWH ya completa el implementacion de P6.8 millones proyecto de cementada de camino guiando para na un sitio de turista aumentado con el industria de turismo del provincia del Zamboanga del Norte.
Asegun con el oficina regional del DPWH, el completao proyecto de cementada de camino ya implementa na Barangay Galingon, Tampilisan, Zamboanga del Norte guiando para na busay de Situbo.
Asegun con el DPWH, el nuevo cementao camino tiene el total largor de 265 metros de carriles.
El proyecto ta inclui tamen riprap, mamposteria de piedra, y señales na cemento de termoplastico reflectorizado.
Conocido por su majestico hermosura, el busay de Situbo hinde lang un favorito lugar para visitada del mga residentes local sino hasta del mga sercanos provincias tamen, asegun con el DPWH.
“Con el completada del camino, hay experiencia ya ahora alto volumen de visita ambos locales y turista na hermosa escenario que ta ofrece el busay de Situbo,” el DPWH ya habla na un declaracion.
El proyecto ya implementa el oficina de enginieria del terser distrito del DPWH na Zamboanga del Norte. (B. Garcia)