Total de 312 kilos de basura de plastico el ya colecta durante el esfuerzo de plastico para arroz (Plastic for Rice) del Office of the City Environment and Natural Resources (OCENR) na Barangay Tetuan.
Con el campaña que ya conduci del Sabado ya encabesa el Consejala Carol Julianne, el presidente del federacion del Sangguniang Kabataan (SK) aqui na ciudad.
Asegun con Dalipe, quien el SK chairman del Tetuan, cada un kilo de basura de plastico equivalente para na un kilo de arroz.
Asegun con Dalipe del Domingo, ya nota sila cay ya aprovecha con el programa el mga residentes de Tetuan y sercanos barrios quien ya cambia con el de ila basura de plastico con arroz na barangay hall del Tetuan.
Aquellos quien ya aprovecha con el programa ya expresa de ila gratitud to Dalipe, quien tamen el presidente nacional del SK, por su esfuerzo de llevar con el initiativo na Barangay Tetuan.
Na mismo tiempo, ya expresa sila de ila gratitud por el dedicacion de Dalipe para asegura cay puede busca manera ayuda proteje con el medio ambiente. (B. Garcia)