Dos mga Philippine Tarsiers el ya larga na monte de Timolan, Tigbao, Zamboanga del Sur, asegun con el Departamento de Medio Ambiente y Recursos Naturales o el DENR.
Asegun con el DENR del Domingo, con el largada de dos tarsiers del otoro semana na monte de Timolan “protected landscape” na Tigbao, Zamboanga del Sur, ya encabesa si Mario Ranulo, un silvicultura del DENR.
Asegun con el DENR, ya larga con el dos tarsiers despues que el resulta del evaluacion ta indica cay na buen salud el dos animal y tiene el capabilidad para vivi na monte.
Con el dos tarsiers ya encontra el un siembrador na su kaingin na municipio de Bayog, Zamboanga del Sur, del Febrero 28.
Con el dos tarsier ya entrega na poder del mga personajes del DENR.
El dos tarsier ya esta bajo el evaluacion por cuantos dias antes que ya larga canila del otro semana na monte de Timolan. (B. Garcia)