El Alcalde John Dalipe ya encabesa con el inaguracion del nuevo rehabilitao centro de salud na Barangay Malagutay del Viernes.
El inaguracion facilidad ta reafirma cay comitido el alcalde mira el salud y bienestar del mga residentes del ciudad.
Asegun con Dalipe del Domingo, el abrida del centro de salud ay dale el oportunidad con mga vivientes de Malagutay y mga sercanos lugar logra servicio de salud desde’l gobierno.
Si Dalipe ya promete continua el esfuerzo para dale eficiente y efectivo servicio de salud con mga residents del 98 barrios del ciudad.
Ya man junto con Dalipe mga oficiales del Salud, ciudad y de Barangay Malagutay durante el inaguracion del centro de salud na mencionao barrio. (B. Garcia)