Tiene ya ahora nuevo director el mando regional del policia, o el Police Regional Office-9 (RPO-9).
Ese ya vene despues que ya incia cambio el Philippine National Police (PNP) na liderato del PRO-9 efectivamente del Viernes.
Si Police General Rommel Francisco Marbil, el jefe del PNP, ya designa con Police Brigadier General Roel Rodolfo como el nuevo director del PRO-9, relevando con Police Brigadier General Bowenn Joey Masauding.
Si Marbil ya designa con Masauding como el nuevo jefe del oficina de Director for Comptrollership del PNP base na Campo Crame.
Asegun con el PRO-9, si Rodolfo formalmente ya asumi na su nuevo puesto durante el ceremonia de bandera del Lunes na Campo Romeo Abendan, Barangay Mercedes, ciudad de Zamboanga.
Na su mensaje, si Rodolfo ya promete mantene el fundamental principio de honestia, abertura, y calidad que firmi ta defende el policia, especialmente este tiempo bajo na liderato de Marbil. (B. Garcia)Â