Un nueve meses priñada amazona del New People’s Army (NPA) ya rindi na fuersa militar na provincia del Lanao del Sur del Miyercoles.
El amazona del NPA quien ya rindi na 103rd Infantry Brigade ya nombra lang como si alias Janella, medic del Platoon Mercedes del Sub-Regional Committee 5 del North Central Mindanao Regional Committee del NPA.
Si Major General Antonio Nafarrete, el comandante del Joint Task Force ZamPeLan, ya atribuji con el rindida de Janella na esfuerso del 55th Infantry Battalion y intelligence units base na Lanao del Sur.
Ya admiti si Janella cay ya decidi le rindi por causa del dificultad ta experiencia de suyu grupo como resulta del ofensiva sin descanso del fuersa militar encontra con mga rebelde NPA. (B. Garcia, photo courtesy of Joint Task Force ZamPeLan)