26.3 C
Manila
Sunday, March 3, 2024

Zamboanga: Policia ya confisca P2.7 millon contraband

- Advertisement -

Tres personas el ya aresta y valor de P2.7 millon contrabando el ya confisca mga autoridad durante un operaciones de aplicacion de ley na provincial del Maguindanao del Norte, asegun con el policia del Martes.

El policia ya nombra con el mga arestao personas por medio lang na de ila primer nombre como canda John Rex, un residente de South Upi, Maguindanao del Sur; Jason, 30 años el edad y residente de Parang, Maguindanao del Norte; y si Abubakar, residente de Talayan, Maguindanao del Sur.

Asegun con el policia na region autonomo, con el tres personas ya aresta mga alas 2 Domingo tarde na carretera nacional del Barangay Dalumangcob, Sultan Kudarat, Maguindanao del Norte.

El mga personajes de policia ta conduci un checkpoint cuando ya ase sila para un trak de carga para inspecciona.

El mga pulis ya esculca o descubri cay el trak ta contene contrabando compuesto de mas o menos 150 cajon de cigarillo que tiene el valor de P2.7 millon.

Con el tres arestao personas y mga contrabando ya lleba na estacion del policia del municipio del Sultan Kudarat para el propio documentacion y disposicion.

Mientras tanto, si Police Brigadier General Allan Nobleza, el director del policia na region autonomo, ya comenda con el mga personajes del policia por el de ila accion rapida y colaboracion que ya resulta na aresto del tres personas y confiscacion del P2.7 millon valor de contrabando. (B. Garcia, photo courtesy of PRO-BAR)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -