Zamboanga: Policia ya confisca P1.7 millon smuggled cigarillo

0
8

Dos personas el ya aresta y valor de P1.7 millon contrabando el ya confisca el mga autoridad aqui na ciudad de Zamboanga, asegun con el policia del Miercoles.

El mando regional del policia o Police Regional Office-9 (PRO-9) nohay nombra con el dos arestao personas con quien ya cogi ta descarga mga smuggled cigarillo mga alas 12:27 del Lunes aga na mangle del Barangay Talon-Talon, ciudad de Zamboanga.

Asegun con el policia, ya puede confisca na posesion del dos arestao personas 30 cajon y 42 reams de diferentes clase de cigarillo que tiene el valor de P1,767,132.

Con el mga confiscao cigarillo y el dos arestao personas ya lleva para na Zamboanga City Police Station 6 para el documnetacion antes que hay entrega na Buro de Aduana.

Asegun con el policia, con el jungkung que ya usa para transporta con el mga smuggled cigarillo ya déjà temporariamente na mangle del Talon-Talon y ya transporta con este para na Buro de Aduana para el propio disposicion. (B. Garcia)

Leave a Reply