El mga autoridad ya confisca ilegal cortao troso na provincia del Tawi-Tawi, asegun con el Police Regional Office-Bangsamoro Autonomous Region (PRO-BAR) del Jueves.
Asegun con el PRO-BAR, con el mga ilegal cortao troso ya recubri abandonao mga alas 3:15 del Martes tarde na canto’y aplaya del Barangay Tabunan, Sapa-Sapa, Tawi-Tawi.
Asegun con el PRO-BAR, ta conduci rutina patrulla el mga personajes del policia de Sapa-Sapa cuando ya columbra sila con un abandonao camada de troso na canto’y aplaya del Barangay Tabunan.
Asegun con el policia, con el mga troso intendido usa para na construccion de un lancha.
Asegun con el policia, el confisca troso tiene el total dimension de 1,596 pies tablares con estimao precio de P38,000.
Con el mga troso ya pone bajo’l custodia del policia del municipio de Sapa-Sapa para el propio documentacion y disposicion. (B. Garcia)