El gobierno local ya inagura con el P4.99 millon nuevo construido y rehabilitao camino na Barangay Pasobolong, en este ciudad.
Con el inaguracion del proyecto, que ya conduci el Martes, ya encabesa el Alcalde John Dalipe, en liña del su compromiso incansable para con el mga barrios.
Asegun con Dalipe, el proyecto tiene el largor del 274 metros y el anchor de cuatro metros.
Con el proyecto ya implementa el un privado compania de construccion bajo’l supervision del oficina del enginieria del ciudad.
Asegun co Dalipe, el construccion del camino ya principia del Septiember 27, 2023.
El proyecto es parte del programa insignia de infrastractura del administracion Dalipe intendido para lleva progreso y desarollo na mga barrios en particular, y na ciudad el general. (B. Garcia)