Un wanted persona quien ta enfrenta asuntos criminal el ya aresta mga autoridad na un operacion de aplicacion de ley aqui na ciudad, asegun con el policia local del Miercoles.
El policia local ya nombra con el arestao acusao como si Joeline Alfonso, 39 años el edad.
Asegun con el policia, con Alfonso ya aresta na un operacion de aplicacion de ley por medio de servir oden de aresto del Martes na Sitio Luyahan, Barangay Pasonanca, en este ciudad.
Asegun con el policia, si Alfonso tiene pendiente orden de aresto por el crimen de Qualified Trafficking, exploitacion y abuso de mga bata que ya dale el un tribunal local del Deciembre 28, 2023.
El policia ya habla cay nohay recomenda piansa el tribunal local para el asunto de qualified trafficking y P80,000 para el asunto de exploitacion del mga bata.
Con el arestao acusao ya detene temporariamente na quartel del Zamboanga City Police Office.
(B. Garcia)