Un persona clasificao como un high-value individual (HVI) el ya aresta mga autoridad na un campaña contra droga ilegal na provincia del Sultan Kudarat, asegun con el Area Police Command-Western Mindanao (APC) del Lunes.
Asegun con el APC-WM, con el arestao suspechao ya conoce lang como si Alias Toto, 40 años el edad.
Asegun con el APC-WM, con Toto ya aresta na un operacion de compra busto mga alas 2:20 del Viernes tarde na Barangay Poblacion, ciudad de Tacurong, provincia de Sultan Kudarat.
Asegun con el policia, ya confisca na posesion de Toto tres paquetes de suspechao shabu, un encendedor desechable, un celpon, y P1,000 markao dinero.
Con Toto ya detene na carcel del policia na ciudad de Tacurong en preparacion para el plantada del asunto contra conele por violacion del Comprehensive Dangerous Drugs Act of 2002.
Asegun con el APC-WM, con Toto ya aresta el mga personajes del policia del ciudad de Tacurong y mga operativas na Region 12. (B. Garcia)