Un casa residencial el ya man uput na un incidente de incendio aqui na ciudad de Zamboanga, asegun con el Zamboanga City Fire District (ZCFD) del Lunes.
Si Superintendent Christopher Morales, el ZCFD marshal, ya habla el incendio ya ocuri mga 12:32 del Lunes aga na Paseo de Saavedra, Barangay Tugbungan, en este ciudad.
Asegun con Morales el incendio, que ya alcansa na primer alarma, ya raza con el casa de Sherresad Indanan.
Si Morales ya habla, con el incendio ya puede controla mga alas 12:56 del aga y ya completamente ya apaga mga ala 1:22 el aga.
Asegun con Morales, el incendio ya causa destroso na estimao P750,000 valor de propiedad.
Si Morales ya habla, nohay casualidad durante el incidente de incendio, que ya continua sila el investigacion para determina el origin del quema. (B. Garcia)