Nibisita dinhi sa syudad nan Surigao kagahapong adlawa an isa sa dakong opisyal sa gobyerno nga si USec. Wilben M. Mayor an Officer in Charge sa Office of the Deputy Presidential Adviser on Peace, Reconciliation and Unity and Presidential Assistant for Local Conflict Transformation.
An Ija pagbisita kagabahin sa bag.o ra nga Blessing and Launching sa Provincial Peace and Development Center sa Capitol Road, Brgy. Washington, SC.
Sa mensahe ni USec. Wilben M. Mayor nagkanayon nga prioridad kuman an Surigao del Norte alang sa ilang transformation program para sa mga kanhi rebelde human kini gideklara nga insurgency free jadton Marso 15, 2024.
Ni hatag isab nan mensahe si Provincial Governor Robert Lyndon S. Barbers nan mubo nga mensahe nga diin dinhi tagpasabot an tumong ug tujo sa pag tukod nan Dangpanan.
Personal isab mitambong an mga mayor sa Distrito 2, Provincial Director Domingo Bulabog sa DILG, mga personahe sa Police Provincial Office sa Surigao del Norte sa pagpanguna ni PCOL Laudemer M. Laude ug mga personahe sa 4th Infantry Division, Philippine Army, sa pagpanguna ni Major General Jose Maria Cuerpo II. (Mark James Lisondra)