Zamboanga: Policia ya aresta ‘SLI’ suspechao na campaña contra droga

0
5

Un “street level individual (SLI)” suspechao el ya aresta mga autoridad na un campaña contra droga ilegal na coasta oeste del ciudad, asegun con el policia del Viernes.

Asegun con el Zamboanga City Police Office con el arestao suspechao ya conose como si Marlon Tubil alias Kano, 46 años el edad, un trabajante de construccion.

Asegun con el policia local, con Tubil ya aresta mga personajes del Zamboanga City Police Station 10 (ZCPS10) na un “buy-bust operation” mga alas 7 del Jueves denoche na Purok 3, Barangay Patalon, na coast oeste del ciudad.

El policia ya habla ya puede confisca na posesion de Tubil sinco paquete de suspechao shabu que tiene el valor de P6,460, un colorao bolsa-bolsa, P200 markao sen.

Asegun con el policia, con Tubil ya detene en preparacion para el plantada del formal asunto contra con el suspechao. (B. Garcia, photo courtesy of ZCPS10)

 

Leave a Reply