Un persona el ya aresta mientras un plantacion de marijuana ya destrosa mga autoridad na un lubrigo lugar na provincia del Lanao del Sur, el policia ya anuncia del Viernes.
Asegun con Police Colonel Robert Daculan, el Lanao del Sur Provincial Police Office director, con el plantacion de marijuana ya destrosa mga alas 3:30 del Jueves tarde na Barangay Bato-Bato na municipio de Maguing.
Nohay mas nombra si Daculan con el arestao suspechao quien alegaomente el encargao del plantacion de marijuana.
Asegun con Daculan total de 300 pono de marijuana con el estimao valor de P90,000 el ya pueda sila destrosa.
El mga marijuana siembrao na un 1,800 metros cuadrados lote.
Asegun con Daculan con el existencia del plantacion de marijuana ya puede descubri por medio del un informacion ya dale canila el un concierne residente. (B. Garcia, photo courtesy of Lanao del Sur Provincial Police Office)