El 1st Infantry Division (ID) ya inicia cambio na liderato del 97th Infantry Battalion (IB), uno del mga mando bajo del 1ID.
Si Major General Gabriel Viray, III, comandante del 1ID, ya instola con Tiniente Coronel Jimmy Sanz como el nuevo comandante del 97IB base na provincia del Zamboanga del Norte.
Si Sanz ya releva con Tiniente Coronel Nolasco Roderos, Jr., quien esperansao sirvi na mas alto puesto del militar.
El cremonia del cambio del mando que ya encabesa si Viray ya conduci na quartel del 97IB na Barangay del Pilar, Piñan, Zamboanga del Norte del Martes.
Si Viray ta expresa su confidencia con Sanz quien tiene su capabilidad para encabesa con el 97IB y compli con mga mision del mando.
Si Viray ta extended tamen su gratitud con Coderos por su excelente servicio durante su termino como el comandante del 97IB. (B. Garcia, photo courtesy of 1ID)