El mga autoridad ya aresta na un operacion de aplicacion de ley con el uno del mga personas mas buscada na provincia del Lanao del Sur quien ta esconde na region del Soccsksargen, asegun con el policia del Domingo.
Si Police Colonel Roberto Daculan, el director del policia na Lanao del Sur, ya identifica con el arestao persona mas buscada como si alias Mangca, de legal el edad, y residente del Barangay Sundig, Butig, Lanao del Sur.
Si Daculan ya habla, con Mangca ya aresta na un operacion de aplicacion de ley por medio de servida de orden de aresto mga alas 2:30 del Viernes tarde na municipio de Malapatan, Sarangani.
Asegun con Daculan, si Mangca amo el numero cuatro persona mas buscada na provincia del Lanao del Sur y el numero uno na municipio de Balindong na semajante provincia.
Asegun con Daculan, si Mangca tiene pendiente orden de aresto por el crimen de matansa sin recomendao piansa que ya dale el un corte na ciudad de Marawi, Lanao del Sur, del Enero 6, 2025.
Si Daculan ya habla, con el fugitivo ya aresta na un operacion de enbuscada que ya conduci el mga operativas del policia del provincias de Lanao del Sur y Sarangani.
Si Daculan ya habla, con Mangca ya lleva na cuartel del policia na municipio de Malapatan y despues ya transporta para na cuartel del policia na municipio del Balindong, Lanao del Sur para mas de documentacion y propio dispocion. (B. Garcia)