El mga autoridad ya aresta con dos individuales objetivo de alto valor, o high-value targets (HVTs) y ya confisca valor de P3.4 millones droga ilegal na un operacion contra droga na ciudad de Cotabato, asegun con el Philippine Drug Enforcement Agency (PDEA) del Domingo.
El PDEA na Bangsamoro Autonomous Region in Muslim Mindanao (BARMM) ya identifica con el dos arestao HVTs como canda alias Thing y alias Saima, ambos mga residentes del municipio de Sultan Mastura, Maguindanao del Norte.
Asegun con el PDEA-BARMM, con el dos suspechao ya aresta na un operacion de compra busto del Miercoles na Barangay Poblacion 5, ciudad de Cotabato.
Asegun con el PDEA-BARMM, el dos arestao suspechao envuelto na vendida de droga ilegal ng mga provincias del Maguindanao del Norte y Maguindanao del Sur, incluido na ciudad de Cotabato.
Asegun con el PDEA-BARMM, ya confisca na posesion de canda Thing y Saima mas o menos 50 gramos de suspechao shabu enpaquetao na un autosellante transparente plastico sobrecito que tiene el valor de P3.4 milliones, dinero de compra busto, dos celphon, porta moneda, y tarjetas de identificacion del mga suspechao.
Asegun con el PDEA-BARMM, con el mga suspechao ya detene na carcel del mando en preparacion para el plantada del asunto contra canila dos por violacion del Ley Integral de Drogas Peligrosas del 2002.
Asegun con el PDEA-BARMM, el operacion de compra busto ya conduci con el suporta del personajes del policia de Maguindanao, Lanao del Sur, Maguindanao Maritime Police Station, ciudad de Cotabato, Marine Battalion Landing Team-5, y Cotabato City Public Safety Office. (B. Garcia)