Un siembrador quein tiene pendiente orden de aresto el ya aresta mga autoridad na un “law enforcement operation” aqui na ciudad, asegun con el policia local del Jueves.
Asegun con el report del Zamboanga City Police Station 2 (ZCPS2), con el arestao siembrador ya conose como si Genaro Decano, 59 años el edad.
Asegun con el policia, con Decano ya aresta por medio del implementacion de orden de aresto maga alas 7:18 del Miercoles denoche na Sitio Sibutat, Barangay Curuan, en este ciudad.
Asegun con el policia, tiene pendiente orden de aresto si Decano por el asunto de “four counts of Acts of Lasciviousness” con recomendao piansa de P180,000 que ya dale el un tribunal del ciudad de Zamboanga.
Con Decano ya pone bajo el custodiya del ZCPS2 antes que ay entrega conele na concierne tribunal.
(B. Garcia, photo courtesy of Zamboanga City Police Station – 2)