El mga autoridad ya aresta con el uno del mga persona mas buscada na provincia del Zamboanga del Sur na un operacion de aplicacion de ley, asegun con el policia del Martes.
El mando regional del policia, o Police Regional Office-9 (PRO-9), ya identifica con el arestao suspechao como si Jayme Oracion Bihag, listao como el numero sinco persona mas buscada na provincia del Zamboanga del Sur.
Asegun con el policia, con Bihag ya aresta na un operacion de aplicacion de ley por medio na implementacion de orden de aresto mga alas 3:25 del Sabado tardena Purok 2, Barangay San Juan, Aurora, Zamboanga del Sur.
Asegun con el policia, si Bihag tiene pendiente orden de aresto sin recomendao piansa por el crimen de estatutorio abuso carnal que ya dale el un corte na Aurora, Zamboanga del Sur del Mayo 3, 2024.
Asegun con el policia, con Bihag ya pone bajo’l custodia del Aurora Municipal Police Station para el propio disposicion y mas procedimiento legal. (B. Garcia)