Un individual listao como uno del mga persona mas buscada na region el ya aresta mga autoridad na un operacion de aplicacion de ley na provincia del Zamboanga del Norte, asegun con el policia del Lunes.
Asegun con el mando regional del policia o Police Regional Office-9 (PRO-9), con el arestao persona mas buscada ya conoce como si Julito Mangopit, el numero uno persona mas buscada na region.
Asegun con el policia, con Mangopit ya aresta na un operacion de aplicacion de ley por medio na implementada de orden de aresto mga alas 11:48 del Domingo denoche na Barangay Sinaman, ciudad del Dipolog, Zamboanga del Norte.
Asegun con el policia, si Mangopit tiene pendiente seis orden de aresto y este el mga siguientes: dos de matansa sin recomendao piansa; probao homicidio con recomendao piansa de P36,000; probao matansa con recomendao piansa de P120,000; ilegal posesion de armas de fuego y bala con recomendao piansa de P120,000; violacion del Seccion 11, Articulo II del ley de republica numero 9165 con recomendao piansa de P200,000; y violacion del Seccion 12, Articulo II del ley de republica numerco 9165 con recomendao piansa de P40,000.
El arestao acusao ta esta ahora bajo’l custodia del policia na ciudad de Dipolog para el propio disposicion.
Si Police Brigadier General Bowenn Joey Masauding, el director del mando regional del policia, ya comenda con el mga operativas por el exitoso aresto del numero uno persona mas buscada na region.
“Este acomplicimiento es un testamento del dedicacion y compromise del deaton personajes ta enforza el ley,” si Masauding ya habla. (B. Garcia)
