Ya alaba si Brigadier General Antonio John Divinagracia, el assistant division commander del 1st Infantry Division, con el mga tropas del 97th Infantry Battalion (IB) por el de ila impresivo acomplicimiento na mantencion de paz y istabilidad na provincia del Zamboanga del Norte.
Ese el mensaje de Divinagracia durante el celebracion del aka-seis aniversario de fundacion del 97IB del pasao Jueves na quartel del mencionao mando na Barangay del Pilar, Piñan, Zamboanga del Norte.
Ya reconoce si Divinagracia con el valuable contribuciones del mga partes interesadas quien ya suporta con el mission del 97IB.
Ademas, ya reconoce tamen si Divinagracia con seis excepcional oficiales y personajes por el de ila valuable contribucion na exitoso mision del 97IB.
Mientras tanto, si Tiniente Coronel Jimmy Sanz, el comandante del 97IB, ya expresa su profundo gratitud con mga oficiales y personajes del mando, y contodo mga personas y entidades quien ya para en solidaridad con el mando, fomentado un frente unido na servicio del nacion y comunidades.
Ya dale si Sanz plaque de reconocimiento con varias partes interesadas ambos interno y externo quien ya servi un papel crucial en apoyar con el mision del 97IB.
Asegun con Sanz, el mga partes interesadas instrumental na efectivo operacion del mando, y el de ila asociaciones es un esencial na acomplicida del objetivo del 97IB.
“Matatag na Kasaglahi Troopers para sa Bagong Pilipinas” amo el tema del celebracion del aka-seis aniversario del 97IB. (B. Garcia)
