El mga autoridad ya aresta un persona y ya confisca valor de P510,000 droga ilegal na un operacion contra droga na ciudad de Zamboanga, asegun con el policia del Jueves.
El policia nohay identifica con el arestao suspechao quien un hombre 22 años el edad y residente de Barangay Sta. Catalina.
Asegun con el policia, con el suspechao ya aresta na un operacion de compra busto mga alas 8:20 del Martes denoche na Barangay Putik, ciudad de Zamboanga.
El policia ya habla, ta confisca na posesion del arestao suspechao tres plastico sobrecitos que ya contene shabu que tiene el valor de P510,000 y dinero de compra busto.
Con el mga confiscao droga ilegal y el arestao suspechao ya pone bajo’l custodia del policia local en preparacion para el plantada asunto contra conele.
El operacion es parte del en curso esfuerzos del policia contra droga ilegal y asegura el seguridad y protection del comunidad. (B. Garcia)