El mga autoridad ya aresta na un operacion de aplicacion de ley uno del mga personas mas buscada na provincia del Lanao del Sur, asegun con el policia del Miercoles.
Si Police Colonel Robert Daculan, el director de policia na Lanao del Sur, ya identifica con el arestao persona mas buscada como si alias Salman, un residente del Barangay Dadayag, Balindong.
Sin embargo, si Daculan ya habla cay el cohorte de Salman, identitificao como si alias Waway, ya puede evita aresto cuando ya gole ele el llegada del mga pulis para servi orden de aresto.
Asegun con Daculan, con Salman ya aresta na un operacion del aplicacion de ley por medio de servi’r orden de aresto mga ala 1 el Martes aga na Barangay Dadayag, Balindong, Lanao del Sur.
Asegun con Daculan, si Salman tiene pendiente orden de aresto sin recomendao piansa por el crimen de matansa que ya dale el un corte na ciudad de Marawi, Lanao del Sur, del Enero 6, 2025.
Si Daculan ya habla, si Salman listao como el numero sinco persona mas buscada na provincia del Lanao del Sur y el numero dos na municipio de Balindong.
Con el arestao persona mas buscada ya lleva na cuartel del policia na municipio de Balindong para el propio disposicion. (B. Garcia)