El Departamento de Obras Publicas y Carreteras, o DPWH, ya completa el implementacion del P95.5 millones proyecto de infraestructura na provincia del Zamboanga del Sur.
Asegun con el DPWH-Zamboanga Peninsula, el nuevo completao proyecto amo el asfaltiada del camino de Imelda-Payao-Siay na Payao, Zamboanga Sibugay.
Asegun con el DPWH-Zamboanga Peninsula, el nuevo asfaltiao camino de dos cariles na Payao ta mejora el eficiencia del transportacion, seguridad y accesibilidad con aproximadamente 34,952 residentes.
El proyecto tiene el largor de 6.834 kilometros de carril con en anchor del calzada de sinco metros.
El P95.5 millones fondo para el proyecto estaba na Ley General de Asignaciones de 2024.
“El mejorao camino ta proporciona suave y segurao viaje, reduci el desgastes del vehiculo, y aumenta actividades de local economico por medio de facilitar mejor acceso na mercados, escuelas, y facilidades de salud,” el DPWH-Zamboanga Peninsula ya habla na un anuncio.
El proyecto de asfaltiada ya hace el oficina de ingenieria del primer distrito del DPWH Zamboanga Sibugay. (B. Garcia)