Ang Guadalupe Police Station 9 (PS9) sa Cebu City Police Office (CCPO) naglusad og bag-ong proyekto nga gitawag PS9 LOVE PROJECT: “Bahay Mo, Sagot Ko”, nga naglangkob sa pagtabang sa mga residente nga nagkinahanglan pinaagi sa paghatag og mas maayong pamuy-an. Kini usa ka inisyatiba nga nagpunting sa pagpalig-on sa relasyon tali sa kapulisan ug komunidad.
Niadtong Enero 27, 2025, gipahigayon ang turnover ug house blessing sa bagong gipaayo nga balay para kang Roger Brigoli, ang benepisyaryo karong tuiga, sa Sitio Kadianoy, Barangay Sapangdaku, Cebu City. Kauban sa pag-turnover, gihatagan usab og educational resources ang mga anak sa benepisyaryo aron masuportahan ang ilang edukasyon.
Ang programa gitumong nga dili lang mag-focus sa tradisyonal nga pagpangalagad sa kapulisan, apan mahimong instrumento sa paghatag og kahupayan ug pagpalambo sa kinabuhi sa mga residente. Sa maong kalihokan, gi-highlight usab ang epekto niini pinaagi sa mga testimonya gikan sa benepisyaryo, mga sakop sa PS9, Advisory Council, ug community leaders. Ang ilang mga istorya nagpamatuod sa importansya sa kolaborasyon ug proactive nga pag-atubang sa mga hagit sa komunidad.
Plano sa Guadalupe Police Station 9 nga ipadayon ang pagpalapad ug pagpalambo sa maong programa aron mapalambo pa ang seguridad, kalamboan, ug kooperasyon tali sa komunidad ug kapulisan. Ang programa usa ka ehemplo sa community-oriented policing nga naghatag og inspirasyon sa uban.
Ang Guadalupe Police Station 9 nagpabiling komitted sa paghatag og luwas nga komunidad pinaagi sa aktibo ug masaligon nga serbisyo alang sa mga residente sa Cebu City.
Source: Guadalupe PS, CCPO
I via Renante Socia Lada
#rpndykccebu
#675hzamband
#mrpublicservice