El mga autoridad ya aresta un persona y ya confisca valor del P306,000 droga ilegal na un operacion contra droga na provincia del Lanao del Sur, asegun con el policia del Martes.
Si Police Colonel Robert Daculan, el director del policia na Lanao del Sur, nohay nombra con el arestao persona excepto de hablar el suspechao clasificao como un objeto de alto valor, o high-value target (HVT).
Asegun con Daculan, con el HVT suspechao ya aresta na un operacion de compra busto mga alas 11 del Lunes aga na Barangay East Basak, ciudad de Marawi, Lanao del Sur.
Asegun con Daculan, ya confisca na posesion del arestao HVT mas o menos 45 gramos de suspechao shabu enpaquetao na nueve termosellada transparente plastico sobrecitos que tiene el valor de P306,000, dinero de compra busto, un vehiculo, y un balanza digital de bolsillo.
Si Daculan ya habla, con el arestao HVT suspechao y mga evidencia ya lleva na cuartel del policia del ciudad de Marawi para el documentacion y en preparacion para el plantada del caso contra conele por violacion del Ley Integral de Drogas Peligrosas de 2002. (B. Garcia)