El mga autoridad ya aresta con el suspechao na un incidente de tiroteo del Lunes denoche que ya resulta na herida de un siembrador na ciudad de Lamitan, Basilan, asegun con el policia del Martes.
Si Police Lieutenant Colonel Elmer Solon, el jefe del policia na ciudad de Lamitan, ya identifica con el arestao suspechao como si Fidel Toledo, 46 años el edad.
Asegun con Solon, con Toledo ya aresta na su residencia na Barangay Tipo-Tipo proper, Tripo-Tipo, durante un operacion de seguimiento mga alas 7;30 del Martes aga.
Asegun con Solon, si Toledo amo el suspechao quien ya tira un simebrador conocido como su Victor Toledo, 44 años el edad mga alas siete del Lunes denoche na Purok 8, Barangay Colonia, ciudad de Lamitan.
El victima admitido na hospital na ciudad de Lamitan y bajo el atencion medical.
Asegun con Solon, ya recubri na posesion de Toledo un calibre .45 pistol conun clip y seis bala durante su aresto.
Asegun con Solon, ya detene con Toledo y hay planta conele caso de frustrado matansa y violacion del prohibicion de armas en el elecciones. (B. Garcia)