Esperansao mejora el colaboracion militar y academico y fomenta significativo compromiso entre el Western Mindanao State University (WMSU)-Malangas Campus y 53rd Infantry Battalion (53IB), asegun con el militar del Martes.
Este ya bene despues que si Dr. Christine Yambao, un profesora del WMSU-Malangas Campus y tres internos, ya visita de cortesia con Teniente Coronel Rolando Vargas Jr. del Domingo na cuartel del 53IB.
Si Vargas ya extende calurosa bienvenido con el delegacion y ya reitera el dedicacion del batallon suporta con el institucion educativo en el desarollo de futuros profesionales, especialmente en paz, desarollo, y construccion de nacion.
Si Yambao ya expresa su gratitud por el hospitalidad del batallon y ya enfatiza el importancia del aprendienco experimental para ayuda con mga estudiantes obtene un comprension mas profunda sobre el papel del militar na desarollo del comunidad.
El 53IB ya esta dedicao para colabora con varias partes interesadas, incluido instituciones academico para promociona paz y progreso na provincia del Zamboanga del Sur. (B. Garcia)