El mga autoridad ya aresta un individual de alto valor, o high-value individual (HVI), y ya confisca P680,000 cantidad de droga ilegal na un operacion contra droga na ciudad de Zamboanga, asegun con el policia local del Viernes.
El mando regional del policia, o Police Regional Office-9, nohay nombra con el arestao suspechao quien un hombre que tiene el edad de 37 años.
Asegun con el policia, con el suspechao ya aresta na un operacion de compra busto mga alas 6:34 del Jueves denoche na Barangay Sta. Barbara, ciudad de Zamboanga.
Asegun con el policia, ya confisca na posesion del arestao suspechao 100 gramos de shabu que tiene el valor de P680,000, y dinero de compra busto.
Con el arestao suspechao ya pone bajo’l custodia del Zamboanga City Police Station 11 para el propio disposicion. (B. Garcia)