El mga autoridad ya confisca P1.7 millones valor de contrabando na canto’y aplaya del municipio de Liloy, Zamboanga del Norte, asegun con el policia del Viernes.
Asegun con el mando regional del policia, o Police Regional Office-9 (PRO-9), con el mga contrabando, compuesto de cigarillo, ya confisca mga alas 5:16 del Jueves aga na canto’y aplaya del Barangay Kayok, Liloy, Zamboanga del Norte.
Asegun con el policia, antes del confiscacion, el mga pulis ya recivi informacion desde con un concierne residente cay tiene mga abandonao cajon de cigarillo na canto’y aplaya del Barangay Kayok.
El mga pulis quien ya responde con el informacion, ya recubri 60 cajon de diferentes clase de cigarillo que tiene el valor de P1,719,000.
Con el mga cigarillo ya entrega na custodia del Zamboanga del Norte Maritime Police Station para el documentacion. (B. Garcia)