Si Police Brigadier General Bowenn Joey Masauding, el director del mando regional del policia, ya apela con el publico para evita hace calayat mga amenaso de bomba por medio de telepono y medio de comunicacion social sin verificacion.
Asegun con Masauding, el hacida calayat de mga amenaso de bomba sin verificacion es un violacion del ley o mas conocido como an “Anti-Bomb Joke Law” que tiene el castigo de sinco años calaboso y multa de P40,000.
El mando regional del policia ta esta tamen comitido para dale informacion aserca mga señales de posible amenaso de bomb y para enseña si que modo responde adecuadamente en tal situacion.
“Por medio esta’r informao y preparao, puede kita hace el de aton debe’r para asegura el seguridad del de aton comunidad,” si Masauding ya habla.
Asegun con Masauding, debe tene corage el publico para inmidiatamente informa na autoridad algun suspechoso actividades o cosas na de ila comunidad.
“Acorda ustedes, si tiene ustedes cosa ya mira, habla si cosa ustedes ya puede mira. El de ustedes vigilancia puede ayuda libra vida,” si Masauding ya habla. (B. Garcia)