Dos vendedor de droga ilegal el ya aresta el mga autoridad na ciudad de Isabela, el capital del provincia de Basilan, asegun con el policia del Sabado.
Si Police Lieutenant Colonel Parson Asadil, el jefe del policia na ciudad de Isabela, nohay mas nombra con el mga arestao suspechao quien ambos mga residentes del Barangay Busay en aquel ciudad.
Asegun con Asadil, con el dos suspechao ya aresta na un operacion de compra busto na Barangay Busay, ciudad de Isabela del Viernes.
Asegun con Asadil, ya puede confisca na posesion del mga suspehao valor de P3,400 droga ilegal y markao P500 que ya usa na operacion de compra busto.
Si Asadil ya habla, mga conocido ya vendedor de droga illegal el dos arestao suspechao.
Asegun con Asadil, con el mga arestao suspechao ya detene en preparacion para el plantada de asunto por violacion del Comprehensive Dangerous Drugs Act of 2002. (B. Garcia)