Batac: Taga Laoag ken taga Batac a nagcash for work, naawat dan ti suweldo da babaen ken ni Gob. Marcos Manotoc

0
0

Dagitoy ken taga barangay 27 ken barangay 29 iti Laoag City nga agdagup da amin iti 63 idinto nga 40 met maipud iti barangay Barani iti Suidad ti Batac.

Visit RPN DZRL Batac

3 ribu a pisos ti inawt a suweldo dagitoy kasukat ti panagtrabaho da iti uneg ti sangapulo nga aldaw.

Nagyaman met ti gobernador dagitoy iti panagtrabaho da kadagiti bukod da a barangay a nagdalus kadagiti igid ti kalsada, nagikkat kadagiti naibangen a basura kadagiti pagayusan ti danum ken dadduma pay.

Kunana a babaen iti tulong da ket saan unay a narikna ti panaglayus na kadagiti asideg ti pagayusan ti danum ken iti sentro ti suidad a mapaspasaran no adda laeng iti napigsa a tudo gapu kadagiti naibangen a basura kadagiti kanal.

Gapu iti daytoy, kiniddaw ti gobernador nga itultuloy nga agbalin a nadalus iti ayan ken napintas iti drainage wenno pagayusan ti danum  tapno awan iti aniaman a dakes a mapasamak no adda iti napigsa a tudo wenno bagyo ditoy probinsia.

Mangnamnama ti ama ti probinsia nga agtultuloy iti pannakipartisipar da kadagiti programa ken aktibidad ti probinsia kagiddan iti panangipasigurado na nga adda laeng a mangipapaay ti suporta kadagiti kailian.

Ti pannakaibunong iti suweldo dagitoy ket inasistaran dagiti kameng ti Environment and Natural Resources Office, Provincial Social Welfare and Development Office of the Barangay Affairs ken Treasury Office. (Rod Sadian)

(Source: Provincial Government of Ilocos Norte)

LEAVE A REPLY

Please enter your comment!
Please enter your name here